Skrapp í banka ekki banka!

Pretty new Prima stuff! :)

2009-10-26T22:04:00.002Z

Ný síða, nýtt kitt, nýtt líf! :D

2008-09-11T00:43:00.003Z

Suss....maður heyrir alveg "hey-greina-hnoðrana" fjúka um svæðið...búið að vera steindautt hér síðan í lok Survivor og já sama dag lok hjónabandsins :S
Þannig að Hildur Ýr...I blame you and that darn game...hehehe nei nei ALLS ekki! ;)
Ég hef nú samt skrappað eitthvað á þessum mánuðum sem liðnir eru en hef ekkert skannað inn af þeim síðum og þær flestar ef ekki allar staðsettar í Scrap.is.
Þessa síðu gerði ég í snarhasti í gær og er þetta úr nýja kittinu hjá Scrap.is. Þessi pappír er alveg ótrúlega fallegur og já allar línurnar algjört möst í safnið! ;)
Kittin tvö eru líka svo gullfalleg og án efa sniðugt að gerast áskrifandi að slíku.
Nýja, single lífið gengur ágætlega...jújú þetta hafa auðvitað verið mjög erfiðir tímar og erfitt að aðlagast þessu nýja lífi. Mín er búin að taka nokkur dramaköst a la Magga dramaqueen en það er allt að baki vona ég.
Ég sé allavega bjarta tíma framundan og er sátt við hið nýja líf sem einstæð mamma. Það er meira að segja bara mjög svo skemmtilegt!

Hugs&kisses,
Fráskilin að Vestan. :P

Einu sinni var....(lokaskrapp í Sörvævor)

2008-07-12T15:37:00.011+01:00

Jæja hér er mitt framlag í "enginn pappír, ekkert lím og engin mynd" áskoruninni.

Ég notaði glært box utan af Fancy Pants felti og setti þennan litla galla þar í . Festi hann niður með brads en stakk samt ekki í gegnum hann því ég tímdi því ekki. Setti líka rubon inn í kassann og blóm sem og armbönd strákanna af spítalanum.

Klukkurnar utan á eru svo með með klukkuvísa sem sýna fæðingartíma þeirra. Setti smá pearlex á þær til að breyta litnum.

Allt er svo fest með brads. :)

P.s. Myndin af þeim bræðrum með verkefnið var tekin í morgun. Þeir voru voða spenntir að skoða þetta og Axel Elí var nú viss um að að Mikael Elí kæmist alveg í þennan galla ennþá! LOL

Síður og fleiri síður

2008-07-08T12:50:00.006+01:00

jamm afköstin hafa veri með eindæmum góð þetta árið þökk sé Beggu og Hildi Ýr og þeirra skemmtilegu áskorunum! :)

Slatti af síðum

2008-07-08T12:40:00.003+01:00

Jæja nú fer að líða undir lok í SkrappSurvivornum. Ég er komin í úrslit ásamt Ýr sem gerir ofsalega fallegar síður, kort og skissur. Ég átti nú aldrei von á að ná alla leið í úrslitin en er jafnframt voða ánægð með það.

Hérna eru svo síður úr síðustu áskorunum.

ScrapSurvivor 4.umferð

2008-06-02T01:10:00.003+01:00

Óboj, þetta var engin smá áskorun á okkur. Við áttum semsagt að hanna skissu fyrir síðu og kort. Skissan fyrir síðuna þurfti að gera ráð fyrir 3 myndum, dúttli og blómum en kortaskissan átti að hafa 3 pappírslög. Síðan áttum við að skrappa síðu og kort eftir þessum skissum okkar og kortið varð að hafa fjólubláan eða appelsínugulan ráðandi lit.

ScrapSurvivor 3. umferð

2008-06-02T01:03:00.003+01:00

Hér áttum við að skrappa mynd sem við myndum venjulega ekki skrappa og síðan varð að vera hringlaga og við áttum að styðjast við skissu. Við áttu líka að nota hvíta málningu og 3 eða fleiri tegundir af borðum.

ScrapSurvivor 2.umferð

2008-06-02T00:56:00.002+01:00

þetta er síðan í 2. umferð og þar átti að nota eitthvað "ekki skrappdót" á síðuna. Ég fann einhvern fjólubláan dúsk sem ég klippti til og notaði sem búk á fiðrildið. Svo áttum við að nota elsta og ljótasta pappírinn okkar. Ég átti nú engan ljótan en þessi fjólublái var allavega sá elsti.

Páskaeggið

2008-05-21T00:55:00.002Z

Ákvað að byrja bara að "hnerra" límmiðum á síðu í áskorun þar sem nota á límmiða og 2 myndir. Stafir eru límmiðar sem og ungarnir.

Í journalið skrifa ég: Þú fékkst að velja þér sjálfur páskaegg þetta árið. Fyrst vildir þú ólmur fá stærsta eggið í búðinni en ég sagði þér að þú værir með of lítinn maga fyrir svona stórt páskaegg. Þú varst eldsnöggur að finna lausn á því! Pabbi væri sko með STÓRAN "sixpack" og gæti alveg borðað svona stórt egg!!! Þið feðgar höfðuð stuttu áður verið að ræða mun á bumbu og "sixpack".

(Pabbinn var sko ekki sáttur við að sonurinn sagði hann með bumbu og fór að segja að ístran væri "sixpack"!)

Neðst á síðunni stendur svo: Þú valdir að lokum þetta egg með bláum unga og annað fyrir Mikael og undir sáttur við þitt á páskadag.

Sjö síður á sjö dögum

2008-05-20T16:12:00.003Z

Ég tók þátt í leik á spjallinu sem gekk út á það að ljúka 7 verkefnum á 7 dögum. Við fengum eitt skrappverkefni á dag og höfðum einn sólarhring til að gera síðu eftir þeim fyrirmælum sem gefin voru.

Hér koma síðurnar 7.

Snjókornasíða

2008-05-13T00:57:00.003Z

Ég elska snjókorn og á þau í alls kyns stærðum, formum og efnum. Hér nota ég pappírssnjókorn, glær snjókorn, snjókornaborða, bling snjókorn og feltborða snjókorn.
Glæru snjókorning og ísbláa blinghringinn og kristalinn í borðanum fást í FK skrapp.
Hitt er allskonar glimmer og glitdót sem glysgjarna ég pantaði að utan.

Kjútíbjútí SugarNellie

2008-05-11T23:39:00.003Z

Ég vígði þessa sætu SykurNetlu í kvöld. Málaði með bleki og vatni og klippti út. Perlurnar og blómið "gleisaði" ég svo með SU Crystal effects. Motturnar eru skornar út og embossaðar í eldgömlu og svo til ónotuðu Sizzix vélinni minni með Nestabillities skurðogemboss formunum.

Blómið er Heidi Swapp (rauða með glimmerinu), hitt er Prima.

Borðinn er frá ScrapGoods dögunum í upphafi skrappáhugans.

Pappírinn er BG, Scarlets letter (er að reyna að eyða öllum þessum afgöngum sem eru hér um allt borð).

Takk fyrir "kíkkið".

2 síður í BOM

2008-05-11T14:24:00.002Z

Gerði þessar í vikunni. Þetta er í BOM (Book Of Me) albúmið mitt. Önnur síðan um hluti sem ég elska og það sem ég elska að gera. Síðuna gerði ég líka fyrir áskorun frá Lindu. Ég mátti ekki nota neitt tilbúið skraut nema festiskraut (splitti og kósur). Ég klippti því blómin út úr pappírsörk og teiknaði hjartað og klippti.

Pappírinn er Infuse BG

Miðinn er MM

Hin síðan er um það sem ég hræðist og fannst mér viðeigandi að hafa litina pínu dramatíska í anda við verkefnið.

Pappírinn er BG, Scarlets letter

Borðinn er Heidi Swapp sem og "kristallinn" svarti sem hangir í borðanum

Títiprjóninn fékk ég i Tiger fyrir 6 árum síðan

Blómin og snjókornin eru Prima

Glæran er Hambly

og bling og flugubling er bara úr safninu mínu.

Sugarnellies kort

2008-05-11T12:27:00.005Z

ú mæ, þarf sko að fara að gera fleiri kort með þessum dúlludúskum! Algjörar krúttmínur þessir sykurnellu stimplar. Á mynd af tveimur sem ég gerði um daginn en á sko nokkra stimpla óvígða ennþá! Fékk þessa hjá stúlkunum mínum í Scrap í Hafnarfirði (FK skrapp eins og mér er orðið svo tamt að segja). Þessi 2 gerði ég fyrir búðina og það var víst ein eldri kona að skoða þau um daginn og sagðist geta hugsað sér að borga allt að 2000 krónur fyrir svona sætt kort....(æ mér fannst þetta frekar krúttuð athugasemd hjá henni...ætti kannski að koma nafnspjöldum upp í búð og koma mér upp smá bissnissonðesæd! ;)...hnéhnéhné....)

Okí, stimplar eru áður nefndir Sugarnellies,

pappírinn er nýr frá K & Company,

borði frá AC,

allt þetta og blómin fást hjá FK skrapp.

(og þar er flott tilboð þennan mánuðinn á þessum stimplum, litum og tússlitum....bara alles til að hefja kortastimplagerðina...endilega kíkja á það!) :D

Fleiri Magnoliu kort

2008-05-11T11:07:00.002Z

Þetta er "gamalt" sem ég var ekki búin að setja inn.

Leikur í PS

2008-05-01T12:13:00.004Z

Okí, ég viðurkenni alveg að ég kann lítið sem ekkert á Photoshop en mér finnst gaman að fikta og prófa eitthvað og sjá hvað gerist með myndirnar.

Þetta er ein mynd af Axel Elí sem mér fannst svo sæt en litirnir alveg hræðilega óskrappvænir sem og allt draslið á bak við hann.

Ég gerði því myndina svarthvíta, skerpti andstæður ljóss og skugga og tók út bakgrunninn.

Ég notaði svo einhvern filter sem gerði það að verkum að það kemur svona eins og ljós yfir andlitið á honum. Myndin varð að lokum svona mjúk og falleg og mjög skrappvæn! :D

Læt svo líka fylgja síðuna sem myndin var notuð á. Síðan er fyrir FK skrappbúðina og er úr mörgu af hrikalega flotta og kúl Heidi Swapp dótinu sem þær voru að fá!

Pappírinn, svarti tjull borðinn, kristallinn svarti í gula borðanum, glæru stafirnir og klukkan, svörtu rubon stafirnir, svarta skraut hornið og hvítu stóru blómin er allt Heidi Swapp dót úr FK.

Miðarnir eru líka Heidi Swapp en ég átti þá hér í bunkanum mínum...sem er meira fjall núna en bunki!

Ætli ég verði ekki komin með ScrapEverest hér í herbergið hjá mér þegar árið verður liðið! ;)

Kort

2008-04-27T14:52:00.004Z

Hér er kort í áskorunina hennar Svönu á minispjallinu. Áskorunin var einfaldlega að gera kort með Magnólíu stimpli! Ég notaði 4 Magnólíu stimpla hér og nokkra aðra líka.

Litaði með H2O´s shimmerlitunum mínum og það kemur ógó sætt út og allt svona sanserað og glitrandi. Mjög gott að vatnslita með þessum litum! :D

Okí over and out!

og síða gærkvöldsins

2008-04-27T11:26:00.003Z

Þetta er síða í leik á spjallinu sem gengur út á það að taka eina af okkar fyrstu skröppuðu síðum og "stela" (skrapplifta) henni. Ég ákvað að taka allra fyrstu síðuna sem ég gerði og stela uppsetningunni á þeirri síðu...hehe ekkert margt annað að stela af þeirri beru síðu!

anyway Kisusíðan er sú allra fyrsta sem ég gerði og það var í ágúst 2005. Hin síðan er svo af Mikael í baði með "baðliti" sem er þvílíkt stuð!

Pappírinn þar er Fancy Pants og líka felt dótið.

Meira voffaskrapp.

2008-04-27T11:08:00.004Z

Voffa síðan hans Mikaels er gerð úr Blue Awning frá K & Company´s. Ótrúlega fallegur pappír.

Mikael er svo skotinn í öllum hundunum sem eru heima hjá ömmu hans. Þar eru 2 fullorðnir Rat Terriers, 4 slíkir hvolpar...ógó sætir b.t.w. og held að 2 séu enn til sölu ef einhvern langar í svoleiðis dúllu...nú og svo er það uppáhald allra hann Garpur sem er Pug. Jiminn það er svo gaman að sjá allt þetta voffager leika sér saman!!!

Nýjustu síðurnar og kortin

2008-04-24T11:30:00.003Z

Er ekkert búin að vera voða dugleg unanfarið í fönrinu en skellti þó í 2 síður úr nýja pappírnum frá FK skrapp. Bursta vel síðan er úr BG pappír og Hvolpa ást er úr K & Company´s pappír.

Græna risaeðlan er frá Fancy Pants og fæst í FK skrapp.

Men ó men hvað ég er skotin í mjúku, loðnu splittunum í alls kyns litum sem ég keypti á FK skrapp hittingnum um daginn. Luv them! :D

"Út fyrir rammann" áskorun

2008-03-24T21:45:00.004Z

Hmmm þurfti aðeins að pæla í því hvernig ég færi út fyrir rammann minn því mér finnst ég hafa farið vítt og breytt um skrappheiminn og prófað ýmsar tegundir af hinu og þessu.... ;)

En komst svo að þeirri niðurstöðu eftir smá hugs að ég hafði þó aldrei gert svona hyper skærlita síðu á svörtum grunni eins og maður sér af og til á scrapbook.com.

Þannig að það var dreginn fram svartur Bazzill og þessar ööööörfáu skærlitu arkir sem ég á í fórum mínum í dag.

Svo mundi ég eftir "netinu" frá Glitz design sem ég skildi ekki af hverju ég hafði pantað mér hér "í den" og hélt að myndi nú bara gleymast lengst inni í skáp! Það kom svo bara voða cool út eftir allt saman! ;)

Annað sem mér finnst utan míns þæginda ramma er glimmer...Yes fáránlegt því ég er sko algjör glimmergella og á glimmer í bunkum og öllum litum og hef heillast af öllu glitrandi og glansandi frá unga aldri. Málið er bara að skrappa með glimmer er svo úber messí að ég meika það ekki svona "dagsdaglega"....hreinlega nenni ekki þessu veseni! En núna var um að gera að fara aðeins út fyrir þetta "dagsdaglega" og vera smá "nennin"...ég meira að segja klæddi CB sem er líka eitt sem ég þoli ekki að gera. (en ok það var audda smá svindl því ég átti pönns sem passaði við CB og pönnsaði þetta bara út fyrir minns! hohoho)

Ok notaðir hlutir eru:

Bazzill grunnpappír

FP munsturpappír

AL skrautpappír

AC glimmer thickers

MM límmiðastafir og blóm fyrir glimmer

Doodlebug Sugar coating glimmer

AL tölur

BG tölur

SU scalloped pönns og CB

Glitz design "net"

borða úr haugnum mínum.

Skrapp á páskadag

2008-03-23T22:56:00.003Z

Var að skrappa gamla mynd af Mikael í dag. Er búin að vera með hana í fórum mínum í heilt ár og loksins kom ég henni á blað. Mikael er voða dúbíus á þessari mynd með aðra augabrúnina upp og puttana saman...eins og einhver gaurinn í einni Bond myndinni....enda er titillinn úr Bond mynd. :D

Pappírinn er einn af þessum nýju FP pappírum í Scrap í Fjarðarkaupum.

Stjörnurnar eru klipptar út úr einni örkinni.

Stimplaða dúttlið er Inque Boutique stimpill og fæst hann og blekið líka í Scrap.

Kisan er stimpill úr mínu safni og blómin eru Prima.

Bradsið stóra er AC og rub on stafirnir eru líka frá American Crafts og líka til í Scrap.

Svo er eitt Heidi Swapp glært blóm sem sést ekki á myndinni.

Takk fyrir kíkk og kvitt! :D

Skrappandinn enn til staðar!

2008-03-20T02:16:00.003Z

og minns skrappaði enn eina síðuna úr DT dótinu mínu! Me likes, me likes!

Hérna notaði ég FP chipboardið nýja (já sæll...ekkert smá fallegt cb!!!) og blekaði með gylltu bleki og setti smá glitpúður yfir.

Pappírinn er svo Prima og fiðrildin eru Hambly vængja rubonið sem ég setti á svartan pappír og klippti svo út.

Stafirnir eru AC límmiðastafir blekaðir með gylltu bleki og svörtu blómin fengu smá glimmerspreygusus yfir sig.

Dúttlið er svo Hambly rubon.

Flest allt fæst í Scrap í Fjarðarkaupum offkors!

Gleðilega páska sætu spætur...ég fer í ferðalag á morgun ef veður leyfir. :D

2 nýjar úr nýja Design team kittinu mínu!

2008-03-19T01:07:00.004Z

Jebb, fékk nýtt dót í dag og fór auðvitað að skrappa úr því. Gerði 2 síður í kvöld úr nýja FP pappírnum frá FK skrapp. Flottur pappír fyrir sumarmyndir enda mjög bjartir og skærir litir í þessari línu (About a boy).

Hugsi

pp: Fancy pants audda!

glæra: Hambly

rubon: Hambly

brads: American crafts

bling: Bling í pokum frá FK

stafir: AC límmiðastafir

blóm: Bazzill

Alltaf í boltanum

pp: FP ;)

brads: AC

CB: FP

blóm: úr safninu mínu

stafir: Krybban mín skar þá út

skrappliftið hennar Barbs

2008-03-17T23:50:00.003Z

Þetta er mín síða úr skrappliftinu sem Barbara var með á sínu bloggi.

Axel Elí eitthvað orðinn pirraður á endalausri myndatöku móður sinnar um jólin! :D

Pappírinn er Bazzill og AC.

Límmiði er frá Heidi Swapp

Blóm eru Petaloo

Tölur frá Basic Grey

Stafir eru AC thickers og Heidi Swapp rubon

Nýtt dót, ný síða, nýtt "djobb"!

2008-03-14T01:07:00.004Z

Íha...voða var gaman að kíkja í FK skrapp í kvöld og gleðjast með nýjum eigendum að versluninni! Fuuuullt af nýju, flottu dóti og varð maður að stíga með báðum bífunum á bremsurnar til að missa sig ekki! :D

En ég varð samt að fá mér smá smakk af bæði gómsætum veitingunum sem og gordjöss skrappgúddísunum. ;)

Ég skellti svo strax í þessa síðu þegar heim var komið og notaði nýja Prima pappírinn, Hambly studios rub-onið og glæruna. Nú svo skemmtilega vildi til að stafirnir eru líka úr FK...thickers.

Okokok og nýja "djobbið" er sko að skrappa!!! LOL!!! Gæti það verið betra??? Minns var nefnilega beðinn um að vera í Design teem fyrir FK skrapp og var ekki lengi að þiggja það!

Jibbíjajeij....hugsa að það verði ógó gaman og þetta djobb mun sko halda manni við efnið þannig að maður detti ekki í endalausar skrapppásur eins og mér einni er lagið! :D

Magnolíu kort

2008-03-11T11:43:00.004Z

Minns gerði þetta kort í gær. Magnoliu stimplar og málaði ég myndirnar með SU bleki og svo smá Twinkiling H2O´s á kantana (sést ekkert eftir skannið en er ógó sætt í RL).

Notaði SU pöns og pönsaði "medaliuna" og litlu blómin og svo einn SU stimplill með svo sætri setningu sem mér fannst viðeigandi handa þeirri sem þetta kort fær! ;)

ertu að tala við mig???

2008-03-10T01:13:00.003Z

Yes skellti í 2 í kvöld en má bara sýna aðra í bili.

Þessi er í áskorun á spjallinu þar sem nota átti límmiða. Fuglinn er semsagt Heidi Swapp límmiði.

Pappírinn er Bazzill og AC frá FK skrapp. Stafirnir eru AC Thickers (FK skrapp) og svo einn cb stafur (frá Döbbu FK skvísuvinkonu síðan í gjafaleik í Skálholti). Glærurnar eru Hambly, Prima blóm og blingswirl og klukkurnar eru Heidi Swapp.

Síðan sem gleymdist

2008-03-06T23:39:00.003Z

Þessi er orðin nokkurra mánaða gömul. Hún var gerð í skrappliftileik á spjallinu. Það er eins og hvísluleikur eiginlega. Maður fær senda síðu og stelur (liftir....shoplift-scraplift) einhverju eða öllu og gerir "hermisíðu" og sendir næstu á listanum sem stelur einhverju af hermisíðunni og sendir næstu...og koll af kolli.

Þetta er einhver jólaBGlína. Krybban skar út snjókornin nema þau hvítu fékk ég frá Guðrúnu E...(mange takk söde pige). Krybban skar líka út titilinn og svo stimplaði ég eitthvað þarna sem mér finnst pínu ekki að gera sig!

Anywho....this is it.

Ástarengill

2008-03-06T01:23:00.003Z

Yes hann er sannur engill hann Axel Elí minn! Love him to pieces! :D

Hér nota ég DD pappír....ógó rómó og sætur! Blúnda úr Glugginn Faxafeni, primablóm og feltblóm (Sesselja), bling hjörtun eru HS, en hjörtun í blómunum og horninu gaf hún Hanna Kj sæta mér, (takk sæta spæta!), svart feltdútts sem ég fékk í Skröppu, MME hjarta rubon, Hambly studios glæra og Heidi Swapp (HS) vængir og bilað flottir glimmer Thickers.

TFAS! (takk fyrir að skoða) :D

Nammigrís

2008-03-06T01:15:00.002Z

Skellti í þessa á mettíma í kvöld. Myndin er tekin á jóladag og Mikael Elí nammigrís að háma í sig sleikjó. Hann var svo veikur af hálsbólgu ala streptokokkasýking að hann slefaði þessi heilu ósköp og því er hann með þykka tuskubleyju innanundir nátttreyjunni. Hann fór í gegnum slefsmekki á nó tæm! Auðvitað er hann í mörgæsanáttfötum á jólunum eins og mamman og pabbinn og stóri bró! Family Mörgæs í Mosgerði. :D

Pappírinn er eeeeeeeeeeeldgamall BG, blitzen. Bling og blóm frá Prima, brads frá FK skrapp og ein örk frá Imaginissisnenenn...(lol...man þetta aldrei....). Stafirnir eru AC thickers.

Jólatréð skoðað

2008-02-24T23:48:00.005Z

Mikael var mjög áhugasamur um jólaskrautið og ég sver það að ég er enn að finna jólakúlur á ólíklegustu stöðum eftir hann. :D

Hér er ég líka með MME jólapappírinn og OMG, OMG, OMG....ég notaði enskt orðadót á síðuna!!! Mér fannst það bara svo fallegt þar sem þetta er nú í stíl við pappírinn að ég límdi fríkið á! Annars er titillinn bara 24 25! :D

Hér eru líka Prima jólakúlublóm og laufblöð og Prima blingswirl. Bradsin eru svo úr FK skrapp...very very nice svona ólívugræn! :)

Jólakortamyndin ´07 taka 100 or som!

2008-02-24T23:32:00.004Z

Það var ekki leikur einn að ná almennilegri mynd af þeim bræðrum fyrir jólakortið síðasta. Það voru gerðar nokkrar tilraunir og það reyndist ómögulegt að ná þeim báðum almennilegum. Ýmist var annar með skeifu eða farinn út úr mynd þegar smellt var af eða með fullan munn af mjólk eins og Mikael er hér. Tilraunirnar enduðu því flestar fljótt og foreldrarnir orðnir kófsveittir á að reyna að halda báðum gaurunum í mynd og með jólahúfurnar á hausnum! :D

Þessi mynd er úr töku hundrað eða eitthvað og mér fannst þessi mynd svo fyndin. Einn í fýlu og hinn að súpa! ;)
Pappírinn hér er jólalína MME og enn og aftur flippa ég út á að tæta brúnirnar. Litlu blómin eru Prima jólakúlublómin sem og laufblöðin en stóra feltblómið fékk ég hjá Sesselju og var það skærgult á lit og mjög óskrappvænt að mínu mati. Það fékk því veglega yfirhalningu...var litað með blautu kalki í grænum og dröppuðum tónum og svo smá dash af brúnu bleki hér og þar. Síðan var því skellt í jólabúning með því að setja gyllt glimmerlím á það.

Ég dúddlaði svo í kringum hringinn með gullpenna og í kringum stafina og á þá.

Jólabros

2008-02-23T17:25:00.003Z

Þessi síða er með myndum af Axel Elí í fínu jólafötunum sínum og gleðin skín af honum!

Pappírinn hér er MME jólalínan, Heidi Swapp blóm og FP stimplar sem Guðrún lánaði mér og á hún þökk fyrir að hafa höndlað frú plássfreku mig í Skálholti! LOL...já ég var alltaf búin að dreifa mínu dóti út um allt og inn á hennar litla pláss líka!

Magic

2008-02-23T17:13:00.003Z

Einhverntíma er allt fyrst og í fyrsta sinn notast ég við enskt orð í titli...átti svolítið erfitt með það meira að segja því ég hef verið svo á móti því að nota ensku á síðurnar mínar. En WTF hverjum kemur það svo sem við hvað maður setur á sínar síður og hérna var hugmyndabankinn galtómur...nema þetta orð, "Magic" poppaði alltaf upp í kollinum á mér og áður en ég vissi af var ég búin að líma enskt orð á sínum mína...OMG! :D

Myndin er af Mikael í jólafötunum sínum og photoshoppaði ég ljósið inná og skyggði hana alla í kringum hann.

Munstraði pappírinn er úr BG, scarlet´s letter línunni, blingið er Prima, blómið fann ég hjá Sesselju og mér finnst það cool, svarta blómið er líka Prima.

afi og ég

2008-02-23T17:07:00.003Z

Mynd af pabba mínum og Mikael á fótboltamóti á Ísafirði í fyrrasumar. Já hann er enn að leika sér með bolta hann pabbi minn og kominn á sjötugs aldurinn....geri aðrir betur! :D

Pappírinn sem smellpassaði svona við litina í myndinni er frá BG og úr Recess línunni...ég átti held ég 4 arkir úr þessari línu og 2 pössuðu svona frábærlega! ;)

Blómin eru Prima úr ýmsum boxum og bradsin stóru frá Fjarðarskrappi...og mig langar auðvitað í alla liti!

Signý beib gaf mér svo gegnsæja stóra blómið (thank you darling!) og það er Prima Whispers.

Skrappsvítan mín

2008-02-03T02:18:00.001Z

Jæja, þá er maður búinn að koma sér haganlega fyrir í skrapp/fataskápa herberginu.

Set bara 2 myndir hér en MUN fleiri myndir eru í gallerýinu mínu sem að linkur er á hérna til hliðar einhversstaðar. Jájá...það eru sko myndir úr öllum skúmaskotum eða svo til! :D

Pretty in pink

2008-02-02T22:16:00.000Z

Gerði þessa opnu í gær. Rosa gaman að skrappa í bleiku....eða eins og kemur á spjallinu góða....að kvarta og kveina í bleiku. Hehehe....þokkalegt orðarugl í gangi þar nefnilega! :D

Jæja, PP er BG Perhaps, Prima blóm, FP big board scrolls sem eru með glimmeri á.

Mikael og Axel í grænni lautu síðasta sumar í Aratungu.

Jeij, síða!

2008-01-29T00:27:00.001Z

Vúhú! Mér tókst að klína saman einni síðu! Finally! ;)

Þetta eru myndir sem ég er búin að vera með á borðinu síðan í Skálholti fyrir heilu ári síðan...kominn tími á að festa þær á blað thank you very much!

Pappírinn er minn eini sanni K-ology sem virðist ekkert eyðast hér í bunkanum mínum sama hvað ég tek af honum.

Krybbulingurinn minn skar út swirlin og eyddi ég dágóðum tíma í að sanda kantana á þeim...nöts I know! :/

Tölurnar eru úr AL pakka, blómið er Bazzill bling og þessi glæru eru Heidi Swapp. Stafirnir eru uppfærðir Bazzill stafir. Skellti á þá smá Pearl ex dufti og sandaði brúnir. Kantana á stærri pappírbútunum og cardstockinu "distressaði" ég með skærum...renndi þeim nokkrum sinnum niður brúnirnar þannig að skærin tættu hann smá og rifu og var audda búin að sanda kantana á pp fyrst.

Myndirnar eru af okkur Mjúka á gamlárskvöld 2006...greyið Mjúkinn minn var hálf stjarfur úti að skoða flugeldana...síðustu áramót vildi hann svo bara vera inni!

Okí, góða nótt og sofið rótt!

Skvísu kort

2008-01-27T16:02:00.000Z

Vúhú...ég fékk nokkra stimpla fyrir helgi. Þessi Audrey stimpill er einn af þeim. Ég er voða skotin í þessum stimpli og finnst hann soldið cool! ;)

Annars er lítið um þetta kort að segja. Bara stimplað, klippt og skorið og límt!

Tilda á hálum ís.

2008-01-24T00:47:00.002Z

Híhíhí maður er svo fyndinn. En þetta er hún fröken Tilda úr Magnólíu stimplasettunum.

Varð auðvitað að gera handa henni svell til að skauta á. Það var gert úr UTEE (ultra thick embossing powder) og fryst og brotið. Annars er ekkert merkilegt um þetta að segja.

Prisma litir enn og aftur brúkaðir og nú bíð ég spennt eftir H2O´s glitter litunum sem og Distress blekinu. Það verður gaman að sjá hvernig það kemur út.

Bg pappír, Bazzill og Bazzil bling, snjókorn frá frú Krybbu minni og hvítt snjókorn frá MM.

9 ára

2008-01-18T01:58:00.001Z

Yes, yes ég held ég fari bara að kalla mig Möggu Magnólíu...því ekkert annað kemst að þessa dagana.

Í kvöld smellti ég saman einu afmæliskorti handa níu ára snót í famelíunni. Þetta kort er líka í vikulegri áskorun á einu Magnólíu blogginu sem ég fann á netinu. Það á semsagt að nota einn Magnólíu stimpil og í þessari viku á að nota tölur á kortið og þá meina ég tölustafi en ekki hnappa eða tölur...hehehe...ég nota samt bæði. ;)

Krybban mín sæta skar út níuna og pakkann/kassann. Ég sæta klippti út Tildu, blöðrur, flugur og kórónu. ;)

Prisma litir og eitur voru notaðir again og stickles glimmer á alla vængi, kórónu og smá á blöðrurnar. Blómin eru Prima og tölur eru úr Walmart. Hvíti penninn er svo Unibal Signo.

Magnoliuáskorunarbloggið

Tilda á sleða

2008-01-17T02:30:00.001Z

Enn eitt Magnoliu kortið...I´m in love!!! :D

Aftur var ég að leika mér að ná litunum meira "skítugum" og bara frekar ánægð með útkomuna.

Notaði Prisma litina mína, BG pappír og útskorninga, BG þjalirnar góðu, Prima blóm, borða og brads úr hrúgunni minni og FP prjón úr FK skrapp.

Hej då alla tilsammans! :D

Magnólíu gutti með poka

2008-01-16T01:47:00.001Z

Ég skrappaði eitt kort í kveld. Dundaði mér heillengi við að lita myndina og reyna að fá litina meira "skítuga". Útkoman var alveg "skít"sæmileg þannig séð. Þetta var semsagt Magnoliu stimpill. Oh mig langar svo í milljón fleiri svoleiðis. Hehehe og ég held ég gerist bara áskrifandi svo kolfallin er ég. Eins og ég var ekki að ná þessum stimplum í byrjun...en hey Monica er búin að smita okkur allmargar hér á landi. :D

Kort og aftur kort

2008-01-14T19:11:00.000Z

Ég er barasta alveg dottin í kortagírinn og gerði 2 í dag. Annað er gert eftir skissu í leik á http://www.scrapbook.is/. Það var "smá" dúllerí við þessi kort. Blómið er t.d. stimplað 3svar með 3 mismunandi blekpúðum á ljósmyndapappír sem ég var búin að bleka eftir kúnstarinnar reglum með nokkrum tónum af gulum, appelsínugulum og brúnum blekpúðum og misgrófum svömpum.
Þar á eftir setti ég glært versamark blek yfir alla myndina og embossaði með UTEE nokkrum sinnum. Þegar ég hafði náð jöfnu "gleri" yfir allt var þessu skellt í frystinn í smá tíma og tekið út og brotið hér og þar til að fá sprungurnar. Síðan voru sprungurnar litaðar með brúnu bleki.

Hitt kortið er Magnolia stimpill eða úpps er þetta kannski Hängill? Allavega var myndin lituð með Prisma litum. Bakgrunnspappírinn embossaður með cuttlebug folder í Sizzix vélinni minni (virkar bara súpervel saman!). Cricuttinn skar svo út litlu snjókornin bláu sem og bláa hringinn.

"Loðnan" á úlpunni og húfunni er eitthvað loðefni sem ég fann í Föndurstofunni og svipar til Fun Flock´s sem mig langaði svo í. ;)

2008-01-11T00:55:00.001Z

Kort síðustu daga. Magnólíu pæja og HengelStengel gæi og svo krúttlegar kisur.

Pæjan er lituð með Prismalitum en illa dreift úr þeim með eitrinu. Gæinn er litaður með vatnsblandaðum tússlitum og þá kemur svona vatnslitaáferð. Kettirnir eru líka litaðir þannig með tússlitableki leystu upp í vatni. Ok nenni ekki að skrifa meir. Adjö!

Jólakortið 07

2008-01-08T23:26:00.000Z

Smellti í eina einfalda í gærkvöldi. Þetta var jólakortið okkar núna síðast. Pappír er AL christmas collection (Rhonna Farrer), borðinn líka og talan. Prima blóm og hvítur Bazzill. MM límmiðar og scalloped borði fyrir glimmer. Takk takk Bjarney fyrir þessa límmiða þeir eru cool!

Forsíðan í BOM2

2008-01-05T01:29:00.000Z

Jebbs, maður er kominn á fullt að skrappa. Búin að gera 2 síður en má bara sýna aðra eins og er.

Þessi er titilssíðan í albúmið um MIG og bara svona basic upplýsingar um mig.

Á tögsunum eru svo nánari upplýsingar um skólagöngu, búsetu og um hvað þetta albúm snýst...upplýsingar um BOM verkefnið semsagt. ;)

Ný kort á nýju ári!

2008-01-01T20:28:00.000Z

Svona næstum því...annað þeirra var nú gert í fyrra! ;)
Hér er semsagt H&S stimpillinn klipptur út og gellan límd á kortið með 3D púðum en það sést varla á myndinni. Svo eru blómin stimpluð með glæru bleki og PearlEx púðri stráð í svo að nú glansa þau svo fallega enda fín sansering á þeim.
Prismacolors auðvitað notaðir til að lita....úúú elska að lita svona og nú langar mig í fleiri og fleiri stimpla sem hægt er að lita! :D

Minns notaði: H&S stimpil og StazOn blek, Versamark glært blek og TT blómamiðjustimpla, Pearl Ex púður í grænum lit, Prismacolors tréliti og eitrið til að dreifa úr, kortapappír frá Lindu Glimm og afgangs pappír, Prima blóm, tölu og borða úr SG kitti.

Þetta kort skellti ég svo í á nýársnótt þegar allir aðrir heimilismeðlimir voru löngu sofnaðir.
Þarna var ég að prófa að leika mér smá með stimpil, blek og vatn á úðabrúsa. Linda Glimm sýndi okkur ýmislegt spennó í Skálholti síðast svo nú er um að gera að prufa sig áfram með allt nýja dótið! ;)
Þennan stimpil elska ég alveg...finnst hann svo geggjaður og fæ aldrei leið á kortum með þessum fallega stimpli!
Samt ekkert súperánægð með kantablekunina....en hey ég er nú bara að prufa hitt og þetta! ;)

Hér notaði minns:Rautt kortakarton, BG pappír, gullpappír, borða úr SG kitti, kjólastimpilinn góða, ljósbleikt, bleikt og svart blek, smá bleikt Pearl Ex duft til að fá smá sanseringu í kjólinn og jú svo var það vatn í spreybrúsa.

Gleðilegt nýtt ár!

2008-01-01T15:32:00.000Z

Já ég hef nú ekki verið að massa þetta svona í restina af árinu. Hef ekkert nennt að sinna þessu bloggi mínu!

Ætla nú samt að vera duglegri þetta árið að skrappa, kortast og að bloggast um það. Kannski maður nenni líka að fara í skissugerð.

Anyway, ætla bara að sýna eitt af nýjustu kortunum mínum og nýjasta æðinu mínu....jájá ég þarf að éta ofan í mig hvert orð varðandi Hängla och Stängla stimplana...mig langar í þá alla!

Verst að hafa misst öll tengsl við sænsku vinina mína...hefði án efa geta fengið þau til að kaupa þetta handa mér og senda. ;)

En hér er Hängla kortið sem ég er voða ánægð með....litað með nýju Prismacolor litunum mínum! ;)

Jólakort

2007-11-11T22:40:00.001Z

Váts, long time no blogg og ekkert skrapp og kolfallin á áskoruninni hennar Beggu! :/

En ég hef nú eitthvað verið að kortast og ætla að setja hér nokkur kort sem ég gerði á hittingum í Grensáskirkju fyrir nokkrum vikum!

Ekkert sérstakt um þetta að segja annað en að ég var ekki búin að kynnast Prismalitunum þarna. Hehehe já maður smitast af öllu held ég! ;)

Verð semsagt að kíkja betur á þessa liti þar sem ég er búin að fjárfesta í eitrinu og prikunum! ;)

Kannski maður fái sér þá bara ALLA 132....(hnuss Barbs, hvað á það að þýða að fá sér "bara" 120??? )

2 kort

2007-10-22T00:40:00.000Z

Úff púff, er eftir á þessa vikuna með síður enda ekkert komist í að skrappa þessa helgina...fyrir utan þessi 2 kort sem ég gerði í gærkvöldi. Annars er ég búin að gera slatta af kortum undanfarið en ekki nennt að skanna þau eða taka af þeim mynd.
En ég nennti nú samt að skanna þessi þó þau séu nú ekkert merkileg þannig séð. Bara ofureinföld afmæliskort. :)
Bláa kortið er úr Bazzill, CI munstruðum pappír, Prima blómi og bling steinn. Stimplarnir eru Panduro held ég en ég keypti þá í Odda. Litaði myndina með kalk-trélit og notaði svo vatnsblender. Stimplaði með gylltu bleki og SU stimpli á kartonið undir öllu en það rétt glittir í það.

Brúna kortið er úr Bazzill, CI munstruðum pappír, Prima blómum og bling steinum.
Stimpillinn er frá SU en hinn er keyptur hjá Fríðu. Svo notaði ég dúddl stimpla á kartonið undir öllu og bronslitað blek.

Meira úr síðustu viku

2007-10-18T20:59:00.000Z

Ok, ég verð að viðurkenna að ég náði ekki að gera 2 í síðustu viku en þessa gerði ég á þriðjudaginn svo að ég er ekkert allt of mikið á eftir áætlun! Ætla svo að skella í 2 í viðbóð í þessari viku. Kannski ég fari bara í það núna á eftir. ;)

En þessi síða er líka í skrappliftileik á SB.com og sú sem gerði frumgerðina heitir Sgoetter og hennar síðu má sjá hér.

Mín síða er gerð úr Bazzill, pappír frá Creative Imaginations Marquis collection eftir Marah Johnson sem ég fékk hjá Fríðu í Skröppu og mér finnst hann trubbl!!!

Blómin eru prima nærfatasettin og eitthvað stórt blóm, tölur frá FP og fleirum og gaman að segja frá því að þessar litlu tölur voru keyptar í minni allra fyrstu skrappkaupferð fyrir rétt rúmum 2 árum. Jamm, þá keypti ég þessar tölur, munsturskæri, lím og nokkrar pappírsarkir og eitthvað kisuskraut! :D Ekki grunaði mann þá að maður myndi enda með allt þetta magn af skrappdóti í kringum sig!!! Huhumm! ;)

Fiðrildið stóra og þessi litlu sem varla sjást eru líka keypt hjá Fríðu...jamms, ég gramsaði vel í öllum körfunum inni í herberginu hjá henni og fann þessar líka gersemar....eeelska þessi fiðrildi!

Skrapp síðustu viku

2007-10-18T20:47:00.000Z

Maður er að reyna að standa sig í áskorun Beggu og skrappa 2 síður á viku fram að jólum. Þessi hér er síðan á sunnudaginn og tilheyrir í raun síðustu viku.

Þetta er K & Company pappír, blingsteinar, Prima Whispers blóm, Heidi Swapp blóm og grænt blek á blómi og titladótinu.

Ég á ammmælídag! :)

2007-10-04T12:05:00.000Z

Ein síða í tilefni þess að ég á afmæli. Skellti í þessa í gær og í morgun. Hún er totally sl. Kem með meira um það síðar! :)

Ammælis skvís

2007-10-03T09:59:00.000Z

Jæja maður eldist víst með ári hverju og í tilefni 25 ára (hohoho) afmælis míns á morgun þá hefur ein Expression Krybba verið pöntuð ásamt 5 hylkjum og meðlæti...híhíhí hvað ég hlakka til að leika mér með þetta dót! Vonandi að þetta komi sem fyrst og að tollurinn sitji svo ekki á þessu eins og ormur á gulli og sendi ekki út neinar tilkynningar eða neitt. Jamm sumir með strax veikina hafa víst átt eitt stk. Krybbu í tollinum síðan 13.sept. og ekki enn fengið tilkynningu! Sú komst af þessu af rælni með að forvitnast smá og hringja í liðið! Urradann, svona vinnubrögð eru sko straxveikum skrappkonum EKKI að skapi!
En ég skrappaði nokkur kort í gær þannig að ég er að verða skuldlaus í kortaklúbbnum og get farið að öðlast innri frið og hætt að fá martraðir með Svönu brjálaða að skamma mig....:D
Nei, nei...ég er bara að djóka Svana mín...en ég er samt búin að sefa samviskuna! :D
Skelli kannski myndum af kortunum síðar þ.e. ef ég nenni að skanna þau.

Og enn var skrappað

2007-09-29T10:22:00.000Z

Einu sinni byrjað þú getur ekki hætt! ;)

Það viriðst allavega eiga vel við núna! Ég skellti í þessa í gær. Opnaði loksins Fruitcake, BG pakkann minn sem ég er búin að horfa á í ár eða svo. Myndirnar eru líka ársgamlar og búnar að liggja á borðinu hjá mér síðan eftir Skálholtsferðina í janúar.

Maður kemst bara í smá jólafílíng að skrappa svona jólamyndir! :D

Tölurnar eru svo áfram FP og blómin frá Prima.

Vúhú!

2007-09-28T20:56:00.000Z

Begga skrappdís skoraði á mig að skrappa a.m.k. 2 síður á VIKU fram að áramótum...nú ég hef ekkert verið of afkastamikil undanfarið...að Skálholts-skrappflæðinu undanskildu...þannig að mér fannst 2 á viku insane! (úúú nú fer minns að raula..."insane in the membrane. Insane in the brain....insane in the membrane...insane in the brain!")

Anywho ég tók hana svona líka á orðinu og fór að skrappa, eineygð, eftir miðnætti síðustu nótt og gerði eina síðu í hendingskasti. Gerði svo aðra í dag á milli þess sem ég lá með augnleppinn minn og síklalyfjamaukið í auganu og slakaði á.

Sweet pea síðan er í "Alveg blómlegt" áskorun hennar Erlu Perlu....hens perlublómið! ;)

Þetta er FP pappír og rub ons og bling flugur og steinar.

Meiddi sig síðan er líka FP allt eiginlega...nema rub on stafirnir. Axel Elí segir alltaf "ég meiddi Sig" en ekki Mig. :D

p.s. Sá sem er fyrstur að skrifa hver söng insane in the brain lagið fær smá RAK frá mér! :D

Skrímillinn minn

2007-09-23T21:29:00.001Z

Ég skellti í þessa í gær á meðan ég sötraði ískaldan bjór og las umræður á netinu þar sem viðmælendur voru ýmist að sulla í bjór, víni eða Mojito... ;)

Síðan leit mun betur út í gær enda búin með 2 bjóra...hehe og allt eitthvað svo cool! ;)

En ég er alveg sátt við hana þannig séð og gaman að þessu filti. Það er bara svo ótrúlega mikið í pakkanum að ég held ég muni aldrei geta klárað það allt! :D

Anyway hér er síða með mynd af Mikael mínum...a.k.a. Skrímill enda hávaðasamur með meiru og skapstór!

Fleiri Skálholtssíður

2007-09-21T20:16:00.000Z

Núna koma 2 síður þar sem ég gleymdi að setja inn síðu í gær. Þessar eru báðar úr Peripheri pappírnum. Glæru stóru tölurnar eru úr FK skrapp og sá ég þær fyrst á síðu eftir Söndru kláru og varð að prófa. Ógó ánægð með þær! :D

Sííííííííís! :D

2007-09-19T23:32:00.000Z

Jæja loksins koma síður úr geggjaða, æðislega, sjúklega, meiriháttar Peripheri pappírnum frá BG. Þessi pappír er sá flottasti frá BG hingað til....og strákamömmur geta tekið gleði sína á ný því það er EKKERT bleikt í þessari línu! Vúhú! :D Línurnar hafa verið frekar stelpumiðaðar undanfarið finnst mér.

Mikael er að venju skítugur í framan enda mathákur mikill og nælir sér í bita hjá hverjum þeim sem lumar á einhverju ætilegu. Axel Elí setur alltaf upp þennan líka flotta svip þegar hann er í návígi við myndavél....sííííííííiíííííííís....segir hann svo.

Fjallmyndarlegur

2007-09-19T00:18:00.000Z

Ok, næsta síða úr Skálholti. Þessi er líka gerð úr BG mellow. Myndin er tekin á Ísafirði í sumar og titillinn skrifaði sig bara sjálfur þegar myndin var komin á blað. Tölurnar (sem eru by the way crazy in the brainhouse flottar!!!) eru frá Fancy pants og fékk ég þær hjá þeim Fjarðarskrapps stöllum ásamt hekluðu blómunum. OMG hvað ég er skotin í þessu dóti hjá þeim. Svo er ég á leiðinni til Söndru að næla mér í filtformin í þessum litum...bara sjúklega flott dót og fullkomið fyrir komandi haustmyndir!!! :D

Aníhú...hér kemur síðan síðan...hohoho.

Mjúk apaskott

2007-09-18T08:36:00.000Z

Jæja, ný síða loksins...10 árum síðar eða svo! ;)

Þessi var gerð í Skálholti. Pappírinn er hinn mjög svo fallegi Mellow frá BG og litla apaskottið í horninu komu þær Fjarðarskrappspíur með og redduðu síðunni algjörlega. Apinn er rub-on frá FP...og var örkin keypt út af þessum apa eingöngu! :D

Mikael Elí eins árs

2007-09-09T18:18:00.001Z

Var aðeins að leika mér í PS og vann þessa mynd smá til. Er hann ekki mikið krútt? :D

Tiltekt

2007-08-28T20:13:00.000Z

Var í smá tiltekt og tók út nokkra pósta. Sé svo til hvort ég nenni að halda þessu bloggi úti og pósta inn nýju dóti...;)

Adjö babes :)

Síða í áskorun

2007-07-25T22:41:00.000Z

Ég skellti í þessa síðu á mánudaginn. Ég komst bara ekkert í að setja hana inn á bloggið og í keppnina hennar Þórunnar fyrr en núna. Ælupestin mætti nefnilega í heimsókn og herjaði á hann Mikael litla. Bróður hans fannst þetta frekar furðulegt þegar hann sá litla bróður sinn æla á gólfið og tók sér stöðu við hlið hans og fór að hrækja á gólfið. Ég átti nú ansi bágt með mig þarna....:D

En að skrappinu, þá er þetta síða í áskorun á skissublogginu hennar Þórunnar. Ég notaðist því við eina af hennar flottu skissum og notaði svo Autumn Leaves pappírsafganga og eitt heilt blað með þessum fallega útskorna kanti. Blómin eru svo prima hitt og þetta og svo eru steinarnir frá Lindu komnir...og b.t.w. Gógó ef þú lest þetta þá mundi ég allt í einu að ég hafði lofað þér svona steinum. Þú átt þá semsagt inni hjá mér og mátt sækja þá þegar og ef þú vilt. Annars renni ég kannski með þá einn daginn ef ég man! ;)

Myndabox

2007-07-25T08:33:00.000Z

Loksins nennir maður að birta eitthvað hér. Ég hef nú alveg tekið fram föndurdótið í sumar og gert nokkur kort, síðu og eitt myndabox. Myndaboxið gerðum við systurnar saman handa afa á Ísafirði sem átti 85 ára afmæli 13. júlí. Hele familíen mætti vestur í veislu og skemmtum við okkur rosalega vel. Enda alltaf gaman að koma vestur á Ísafjörð og alltaf gott veður! :D

Myndaboxið innihélt myndir af okkur fjölskyldunni á Tenerife í tilefni 60 ára afmælis pabba. Þess vegna valdi ég frekar litríkan og sumarlegan pappír...fannst það hæfa svona sólar og strandar myndum best.

Glöggir menn reka augun eflaust í Schumacher nokkurn á einni myndinni...að gera sér dælt við mína fögru systur.... ;)

Þó svo að það hefði kætt hann afa minn meir en nokkuð annað að fá Michael Schumacher sem tengdasonarson þá var það því miður eigi svo gott. Henni Rebz systur fannst hún eitthvað svo útundan þar sem ég var búin að gera svona paramyndir með hjörtum og tilheyrandi af mér og Sel, mor og far og svo Elí bró og Hrefnu sætu hans. Þannig að við fundum eitt stykki sómasamlegan karlmann sem fengi auðveldlega inni í fjölskyldunni og photoshoppuðum hann með Rebz systur. Afa brá nokkuð í brún að sjá þarna uppáhalds Formulu kallinn sinn á mynd með barnabarninu....en gerði sér samt fljótt grein fyrir gríninu! :D

Ný síða

2007-06-26T23:56:00.001Z

Mér tókst loks að ljúka við þessa síðu sem ég er búin að vera að dúllast í síðan á laugardaginn. Ég var við það að gefast upp á henni því ég var alltaf svo óánægð með hana. En hún verður bara svona. Ég var að prófa SU pearl ex duftið mitt í fyrsta sinn á síðu. Þetta kemur mjög flott út live en glansinn á bronsinu í titlinum og stimplaða dótinu skilar sér auðvitað ekki í gegnum skannann.

Myndin er af sólar-hnuss-svipunum hans Mikaels á Tenerife. Hann setti upp þennan svip í hvert sinn sem við fórum út í sólina. Hann var ekkert of hrifinn af öllu þessu sólskini og vildi helst vera í skugga. Hann semsagt hnussaði bara yfir þessu öllu saman! ;)

Þú

2007-06-03T14:14:00.000Z

Síða um hann Mjúka minn og allt það sem hann er mér og hvernig hann kemur mér fyrir sjónir. Pappírinn er líka frá Dream street og heitir þessi lína Bella Donna. Ég klippti út svarta munstrið og kassa úr miðjunni á því fyrir myndina. Svo notaði ég Bazzil bling blossoms í hornin og fullt af blingsteinum. Ég átti svo mikið af kóngabláum steinum að ég taldi það tilvalið að spreða þeim í þessa síðu.

Ný síða

2007-06-02T19:07:00.000Z

með nýjum blómum og nýjum pappír. Pappírinn er frá Dream street og mér fannst hann frekar cool og smart. Kannski er þetta einhver gamall og úrtísku pappír en fyrir mér er hann alveg nýr því ég hef aldrei séð síður úr þessum pappír og það er svolítið gaman að vera að nota eitthvað sem allir hinir eru ekki að nota....skil jú mí. ;)

Blómin eru líka ný, Prima press N petals þessi embossuðu og hin sem eru úr munstraða pappírnum man ég ekki hvað heita. Ég notaðist við skissuna mína en sleppti þó journal-boxinu og blúndunni en bætti öðru inn í staðinn. Rammann utanum dagsetninguna fiffaði ég aðeins til því hann var svo skjannahvítur og glansandi. Ég byrjaði á að pússa hann með sandpappír og litaði svo með ólívugrænu SU bleki. Svo er ég að reyna að ganga aðeins á borðabirgðirnar og nota því borða ansi mikið þessa dagana! ;)

En hér er mynd af þessu pappírssetti.

Skissa 2

2007-05-24T22:17:00.000Z

Vei, Þórunn var svo sæt og góð að pósta leiðbeiningum um það hvernig maður gerir skissu í PS og ég varð að prófa það. Takk fyrir að deila þessu með okkur Þórunn Trend. Það er nú ósköp skemmtilegt að búa til skissur! ;)

Skissa

2007-05-20T22:12:00.001Z

Ég tók trendsetterinn minn hana Þórunni mér til fyrirmyndar og prufaði að gera skissu í PS. Það gekk nú ekkert of vel því ég kann ansi takmarkað á þetta dót og þyrfti að komast í smá kennslu...blikk, blikk, Þórunn! Getum við ekki hitst með fartölvur í stað skrappdóts eitthvert þriðjudagskvöldið og gert skissur? :D
Þetta er það sem ég gat klórað mig framúr! Þetta er skissa eftir LO-inu með Gullmolunum mínum.

Áskorunin mín

2007-05-20T14:19:00.000Z

Það skrappar bara á mér hver tuskan þessa dagana! :D

Ég lauk við eina síðu í gærkvöldi sem ég skrappaði á innan við klukkutíma og tel ég það met miðað við minn skrapphraða. En það er nú reyndar ástæða fyrir því hversu fljótt þessi tók af. Ég setti mér nefnilega skilyrði og skoraði á sjálfa mig að skrappa eina síðu í snarheitum. Skilyrðin voru að nota einhverja af þeim mýmörgu útprentuðu og óskröppuðu myndum sem lágu út um allt borð, nota pappírs afganga sem voru (og eru enn) á víð og dreif um skrappherbergið mitt og safna ryki, engin stór blóm, engir dúddl stimplar og alls ekki að nota hring colouzzel mótið mitt. Enda má sjá ef skrollað er niður að flestar mínar nýjustu síður innihalda þetta þrennt sem ég setti á bannlistann. ;)

Nú þetta er svo afraksturinn, Daisy D´s afgangar síðan um jólin, Bazzil bling í grunn, svarta scalloped dótið klippti ég út úr einhverju þunnildis blaði sem var í plöstunum í albúmunum sem ég keypti um daginn. Dúllan (veit ekki hvað þetta heitir) sem er undir myndinni var RAK frá Hönnukj og enn og aftur kemur the RAK to the rescue! :D

Charmin og jólatrjáa bradsin eru frá Barbí og ég litaði þau með hvítu og bláu bleki og raspaði aðeins yfir með þjöl. Ramminn er svo BG og aðeins litaður með bláu bleki. Blingbradsið sem Axel Elí virðist halda á er sett þar til að covera mandarínu sem var alveg eins og álfur út úr hól á síðunni svona skær appelsínugul! LOL! :D

Ok sá sem nennti að lesa þetta allt er hetja! ;)

Gullmolar

2007-05-18T17:37:00.000Z

Ein síðan enn í valnum. Ég virðist vinna þetta svolítið í svona tvennum. Geri 2 síður í einu og svo ekkert í einhvern tíma, 2 kort og svo ekkert og aftur 2 síður...;)

Ég lét verða að því að skrappa þessa sætu mynd af þeim bræðrum hið snarasta. Pappírinn er BG Stella Ruby. Ótrúlega fallegur pappír en ég var eitthvað efins um að geta notað mikið af þessum nýju línum í stráka síður því mér fannst þær frekar stelpulegar. En ég hafði rangt fyrir mér þar því þær virðast allar ganga ágætlega í strákasíður. Hannakj var svo sæt að senda mér RAK og það kom inn um lúguna í hádeginu í dag, akkurat þegar ég var að vandræðast með hvaða blóm ég ætti að nota og voru þau eitthvað af skornum skammti. En það er eins og Hanna hafi vitað hvað ég var að skrappa og hvaða liti mig vantaði því þarna komu þessi bjútífúll blóm inn um lúguna hjá mér! Þúsund þakkir Hanna mín! ;)

Borðinn er úr borða pakkningu BG Hang 10.Laufblöðin eru klippt út úr pappír og límd með 3D púðum. Stafirnir eru frá Steinu og eru með glimmeri í...svo sætir. Ég notaði svo AL dúddl stimpla og grænt Cat Eye blek.

Sæta mús

2007-05-17T21:47:00.000Z

Jeij, ég fann smá tíma til að skrappa eina síðu í dag. Ég byrjaði reyndar á henni í gærkvöldi en komst lítið áleiðis. Myndina tók ég af Mikael fyrir stuttu. Við höfum kallað hann Sætu mús frá því að hann var nýr og það er farið að festast við hann svipað og Mjúki festist við Axel Elí. Við segjum þetta á ákveðinn hátt þannig að í raun er sagt Sæda músss með tilheyrandi söngli. Axel Elí er farinn að ná þessu ansi vel og kallar bróður sinn þetta oft. ;)

Pappírinn er BG Pheobe sem er voðalega sætur og litríkur. Blómin eru Bazzill og Heidi Swapp og CB swirlið er frá Fancy pants. Stafirnir eru Bazzill CB og svo nota ég skartgripaskraut í miðjuna á blómunum. Mig minnir að ég hafi fengið skrautið í Föndurstofunni.

Alþjóðlegi skrappdagurinn

2007-05-06T11:20:00.000Z

var semsagt í gær. Ég varð auðvitað að halda hann hátíðlegan með smá skrappi og gerði 2 einföld kort. Ekkert sérstakt kannski um þau að segja svo að ég set bara inn myndir. :)

Smá ábending frá Eyrúnu en þessi skrappdagur var víst bara national skrappdagur en ekki alþjóðlegur. En það virkar bara meir cool svo að ég ætla að halda þessu svona! hohoho....word peace bara! ;)

Bleikur banner

2007-05-05T15:22:00.000Z

Nú þar sem trendsetterinn minn setti inn nýjan og sérhannaðan banner á bloggið sitt þá varð mín að gera slíkt hið sama. Ég er nú samt langt því frá klár í PS og þessi bleiki blómabanner eiginlega það besta sem ég gat framkallað að sinni. En ég er bara sátt við hann miðað við mína kunnáttu. Svo er hann líka svo fallega bleikur og í stíl við bleika kúrekahattinn sem ég photosjoppaði á hausinn á mér á myndinni hér fyrir ofan. Ég notaði PS bursta sem ég sótti á síðuna góðu sem Svana sæta benti mér á. Það er linkur á hana hér einhversstaðar í kommentunum. Leitið bara og þér munuð finna!
Og svo meira mont svona í lokin en síðan mín af sykurpúðanum var kosin sigursíðan í skissukeppni 2, árið 2007 á X-gnúsi, stóra skrappspjallinu. Síðan rétt marði þetta með einu atkvæði á þá sem var í öðru sæti. En sú sem gerði þá síðu á nú pínulítið í minni enda gaf hún mér þennan æðislega borða. ;) Síðan er hér aðeins neðar en hún er bara ekki sjón að sjá miðað við að horfa á hana læf og að horfa svo í tölvu. Enda skilar gullið sér bara alls ekki. Ég er voða ánægð með þessa síðu, finnst hún bara svaka Þ ó r u n n hjá mér og skammast mín ekki boffs að viðurkenna það! :D

Burstar

2007-05-01T20:50:00.000Z

Ég var að hlaða niður nokkrum PS burstum. Mjög svo flottum sem hún Svana benti okkur á. Hér er svo smá prufa á mynd af Mjúka mínum. Alltaf jafn sætur og skondinn hann Mjúki og brosir svo fallega með augunum líka! Yes I love my softy boy! :D

Frekar flottir allir þessir burstar sem ég er að sanka að mér hér og nú! :D

Jæja, Barbs...happy now?! Komin ein færsla í maí!!! ;) :D :P

Sykurpúðinn minn

2007-04-26T02:00:00.000Z

Það er bara allt að gerast þessa dagana! Ég skrappandi fram á nótt vitandi það að ég verð dregin á fætur fyrir allar aldir af litlum morgunhressum harðstjóra. En svona er þetta, annað hvort geri ég ekkert eða ég get ekki hætt og kvöldið í kvöld er eitt af þessum þar sem ég get bara ekki stoppað í miðjum klíðum!

Þessi síða er unnin eftir skissunni hennar Beggu sem er í nýjustu skissukeppninni á Magnúsi heitinnum. Blessuð sé minning hans. Það er allt morandi í gulli á síðunni sem sést illa þegar maður skannar og er því mun fallegra að sjá síðuna með eigin augum. Ég embossaði rammana utanum myndirnar, jaðarinn á hringnum, dúddlið og smá dúddl á BG límmiðastöfunum. Svo er gull á CB stöfunum sem eru svo trubbl flottir. Þeir eru frá K&Company sem og pappírinn. Allt keypt í FK skrapp. Borðinn er líka með gylltu í og hann kemur næstum úr FK skrapp. Þ.e. hún Ólöf Ösp sendi mér hann í RAK-inu. Blingið er frá EK something og fæst t.d. á CX. Fallegur þessi tópaslitur finnst mér. Ég vildi nota bleikan pappír með þessum myndum því eini liturinn er eiginlega varirnar á Mjúka og jú rauðleitt teppið á stiganum og brún augun og súkkulaðið.

Á myndunum er Sykurpúðinn minn mjúki, svo sætur og klístraður alveg eins og alvöru sykurpúði! ;)

Yndið mitt yngsta

2007-04-25T00:18:00.000Z

Jæja ég small í smá skrappgír í kvöld og gerði þessa síðu. Ég hafði reyndar hugsað mér að skrappa með nýja og sjúklega flotta pappírnum sem ég fékk í FK skrapp hjá henni Söndru í dag en þessi fallegi K & Company pappír passaði bara svo trubbl vel við þessa mynd af Mikael sætalíusi þannig að það var nú ekki hjá því komist að brúka hann þennan! ;)

Ég var endalaust að vesenast með titil á þessa síðu en svo fannst mér þetta passa svo vel við enda er hann Mikael yndið mitt yngsta. Lagið er líka svo fallegt að ég varð að koma því þarna að en breytti einu orði í því....hehehe enda passaði ekkert að hafa Hlín þarna! Eins og sönnum skrappara sæmir þá notaði ég eina af gullfallegu skissunum hennar Beggu Húna. Begga er án efa með þeim betri í skissuhönnunum og má finna nokkrar æðislegar skissur á blogginu hennar sem ég linka á hér til hliðar. Wellos, gellos nú er kominn tími á fiðrið. Adios!

Skrappað á ný

2007-04-19T01:19:00.000Z

Yahooooo! Skrappstíflan brast og ég gerði eina ofur litla og fjólubláa síðu fyrr í kvöld. Ég notaði fjólubláu, sjálflímandi perlurnar sem ég fékk í Föndurstofunni í miðjuna á blómin. Ég er ferlega skotin í þessum perlum og mig langar í alla liti. En ég á bara hvítar perlur og svo eitthvað smá eftir af þessum fjólubláu. Síðan er hönnuð svipað og kortin sem voru svo vinsæl síðasta vor. Þessi hringlóttu sem hægt var að snúa efsta laginu og undir var texti. Well það er hægt að snúa lillabláa hringnum og undir honum er smá texti til sætu þotunnar sem fær þetta í albúmið sitt ;)

Þotan sú á líka að finna 10 hjörtu svo nú er bara að leita vel þegar albúmið kemst í þínar hendur! :D

Mér finnst þessi síða reyndar eitthvað smá tómleg þegar ég horfi á hana hér í tölvunni. En vonandi fellur hún þotunni vel í geð. Það er nú fyrir öllu! ;)

BG galleríið

2007-03-25T16:53:00.000Z

Jeij! Basic Grey galleríið samþykkti þessa síðu frá mér og birti hana í galleríinu. Ég er því aftur komin á skrá þar sem hönnuður...úlala...eitthvað svo pró að vera titluð designer!

Þessa síðu gerði ég eftir geggjaðri síðu sem Frú Barbara hin fagra gerði. Þarna koma við sögu nokkur af þeim nöfnum sem við höfum notað á hann Mjúka Axel Elí. En þetta er ekki tæmandi listi enda hefur sætilíusinn þurft að þola alls kyns mis gáfuleg og falleg gælunöfn. Mjúki er samt það sætasta og mest notaða og oft gleymi ég mér og kalla hann Mjúka enn í dag...hehe verður ekki vinsælt þegar hann eldist ef ég stend á tröppunum og kalla "Mjúki, Mjúki minn....það er kominn matur....komdu inn MJÚKI!".

Á myndinni er Axel Elí (fjúff...var næstum búin að pikka Mjúki) 1 árs og algjör dúllus. Ég notaði MM málningu á myndina til að mála "maður" en mér fannst svo mikið af myndinni vera pallur svo að ég ákvað að hafa hluta af titlinum á henni. Sá svipað hjá einhverjum snillingnum á SB.

En já gaman að þessu og meðfram veginum, þá er Basic Grey skrappstöffs framleiðandi sem gerir ógó smart pappír og fleira til! :D

Blómlegir bakendar

2007-03-18T21:20:00.000Z

Þessa síðu gerði ég í skrappliftileik Þórunnar. Þá fékk maður síðu sem einhver hafði gert eftir annarri síðu og átti ég að notast við það sem mig langaði að nota...eða skrapplifta (scraplift=stela)einhverju eða öllu. Ég skrapplifti LO-inu sem mér fannst mjög flott og hentaði vel fyrir þessar myndir. Bohemia pappírinn frá MME passaði svo alveg fullkomlega við þessar myndir af okkur Axel Elí á sundlaugarbakkanum á Spáni. Ég í blágrænu blóma bikiníi og hann í appelsínugulri sundbrók með blómum á....semsagt mjög svo Blómlegir bakendar og ber því síðan þennan titil með réttu.

Síðan er ekki svona skökk in RL en hún skannaðist bara svona bjánalega inn hjá mér.

BOM síða

2007-03-15T00:21:00.000Z

Þessa síðu gerði ég ekki alls fyrir löngu. Ég er með í BOM verkefni á Skrapplistanum. BOM stendur fyrir Book Of Me og því er ég að skrappa um mig. Það er virkilega skemmtilegt að skrappa um mig svona til tilbreytingar en hingað til hef ég að mestu skrappað um fallegu gaurana mína og jú eina síðu um kisurnar sem við áttum.

Okkur er sett fyrir nokkur verkefni í hverjum mánuði sem við þurfum að skrappa og sýna. Síðan hér er t.d. fæðingarsíðan um mig. Þarna eru myndir af mér nýfæddri og mömmu og pabba svo ungum og sætum...en þau eru nú alltaf sæt! Ég er svo að vonast eftir að mamma hafi tíma til að líta uppúr námsbókunum og skrá fæðingarsöguna mína sem ég ætla að hafa þarna undir myndinni af mér í vöggunni. Ég er alveg þokkalega ánægð með þessa síðu svona ykkur að segja! :D

Hví Blogg?

2007-03-14T23:42:00.000Z

Hádí! Hér ætla ég að blogga um skrappið mitt svona eins og sönnum og kúl skrappara sæmir! Hún Þórunn yfirkennari og skrappstýra er einskonar trendsetter í skrappheimum og maður verður að feta í hennar fótspor ef maður ætlar að vera inn og því starta ég svona bloggi....um að gera að næla sér í nokkur kúlstig þar! Þá verð ég komin í hópi snillinga eins og Barböru og Þórunnar. Er það ekki þannig að þar sem 2 eða fleiri koma saman þar er HÓPUR? Hohoho....
Vonandi vita líka allir hver kom fríkí MUNSTURSKÆRUNUM á top 10 lista yfir MÖST have skrappstöff fyrr í vetur!!!??? (sem jafnvel Ba***** megaskvís og skrappfrömuður hefur fest kaup á...eða svo segir víst sagan!). Skrappdót sem enginn vildi kannast við að eiga eða var gleymt á botni skrappkistla fyrir svo stuttu síðan en er nú í heiðurssætum í Lötufötum skrappmeistaranna! Þökk sé Þórunni og já Steinu því hún á flottustu munsturskærin eða átti...þau eru kannski uppseld núna enda kúl með meiru!
Ójá nú er ég sko orðin ofursvöl Þotuskvís!